常識篇3
好多女士過嚟睇尿道炎（而佢地係知自己係尿道炎），見醫生之前個一秒硬係要去一轉廁所。
其實你知唔知99%我睇完你之後，你要屙篤小便去做快速試紙測試（即刻可以睇下白血球有冇高左，係唔係發炎等等。呢個唔同留中間小便驗菌，睇吓一篇😁）。唔係話我唔信你講嘢唔信你係屙尿尿頻好辛苦，但係我都要有啲Objective Evidence Support番點解我要開抗生素俾你。費事第時大家啲子子孫孫，全部都面對D超級細菌，冇一隻抗生素Work。
Any肥，咁個個都去完廁所先見我，咁梗係冇得再屙啦。唯有自己浪費時間，乖乖地坐低等下次幾時有得再屙。
嗱，個D成日唔肯飲水，太忙唔肯去廁所，成日忍小便嗰啲就注意啦。唔好同我講一日8杯水太多。想靚想減肥成功都要飲水架！想少啲尿道炎，同Partner行埋之後唔該自動自覺屙番篤尿。
睇到呢到會心虛嘅朋友就學精D啦！
PS：通常嗰啲掛完號就即刻一枝箭衝去廁所嘅Patient，我都會開個盤，睇吓佢係咪睇尿道炎。命中率都唔低架。😆
Search